Miresevini ne faqen e Keshillit Kombetar Shqiptar

DISKUTIM RRETH TEKSTEVE MËSIMORE NË GJUHËN SHQIPE ME DREJTORËT E SHKOLLAVE SHQIPE

Gjatë ditës së sotme në selinë e Këshillit Kombëtar Shqiptar u mbajt mbledhje e përbashkët në mes të drejtorëve të shkollave shqipe në Luginë të Preshevës dhe zv/kryetarit të këtij institucioni, Enver Mehmeti.
Gjatë këtij takimi u diskutuan për mundësinë e koordinimit të drejtorëve të shkollave dhe KKSH rreth teksteve mësimore në gjuhën shqipe në kuadër të marrëveshjes ndërshtetërore në mes të Republikës së Shqipërisë dhe Serbisë rreth sigurimit të teksteve mësimore.
Gjithashtu, u diskutua edhe për plan programet , trajnimi n mësimdhënësve në kuadër të njejtës marrëveshje , si dhe gjetjen e mundësive për një qasje të përbashkët dhe të sinkronizuar ndaj gjendjes në përgjithësi të arsimit si dhe për temat e veçanta.

PËR HERË TË DYTË BRENDA MË PAK SE 2 MUAJ, AMBASADORI I DELEGACIONIT TË BE-SË, SEM FABRICI VIZITË KËSHILLIT KOMBËTAR SHQIPTAR (KKSH)

Gjatë ditës së sotme, kryetari i KKSH, Ragmi Mustafa priti në selinë e këtij institucioni Ambasadorin e delegacionit të BE-së, Sem Fabrici. 
Kryetari Mustafa e njoftoi Ambasadorin për punën e deritanishme nga udhëheqësia e re e KKSH, fokusin e madh që po i jepet mundësisë së zgjidhjes së problemit tashmë të njohur edhe për ndërkombëtarët, për mungesën e teksteve mësimore në gjuhën shqipe.

Me shumë

Selinë e Këshillit Kombëtar Shqiptar në Bujanoc vizitoi shefi i zyrës se Këshillit të Evropës, Tobias Flessenkemper dhe asistentja e tij Mona Alghaith

Selinë e Këshillit Kombëtar Shqiptar në Bujanoc vizitoi shefi i zyrës se Këshillit të Evropës, Tobias Flessenkemper dhe asistentja e tij Mona Alghaith.
Gjatë takimit kryetari i Këshillit Kombëtar Shqiptar, Ragmi Mustafa dhe bashkëpunëtorët e tij njoftuan shefin e Këshillit të Evropës për çështje si, pasivizimi i vendbanimeve të shqiptarëve në Preshevë, Bujanoc dhe Medvegjë; mospërfshirja e shqiptarëve nëpër institucionet shtetërore; problemet në arsim si mungesa e teksteve mësimore në gjuhën shqipe; sfida qe po rëndojnë shqiptarët e Luginës së Preshevës.
Gjithashtu, është vënë theks i veçantë në shqyrtimin e zbatimit të konventave evropiane dhe mos realizimi i të drejtave që derivojnë.

Me shumë

Kryetari KKSH-së vizit ambasadës Çeke

Kryetari i Këshillit Kombëtar Shqiptar, gjatë ditës u mirëprit në Ambasadën Çeke në Beograd, nga ambasadori Tomas Kuchta si dhe e dërguara speciale e Ministrisë së Punëve të Jashtme të Republikës së Çekisë, Janina Hrebickova.
Gjatë takimit të sotëm u shtjellua situata në Ballkanin Perëndimor, me theks të veçantë për procesin e normalizimit të marrëdhënieve mes Kosovës dhe Serbisë dhe përfshirjen e Luginës së Preshevës.
Kryetari Mustafa theksoi se pasur parasysh ngecjen e proceseve që shqiptarëve të Luginës së Preshevës të i sigurohet standardizimi i të drejtave sipas konventave ndërkombëtare, mosrealizimi i premtimeve paraprake që përfaqësuesit politik të shqiptarëve kanë pasur nga Qeveria e Serbisë, çështja e Luginës së Preshevës duhet të bëhet fakt në këtë proces, qoftë edhe pas ndryshimeve në Bruksel.



Me shumë