Kryetari Musliu Takoi te rinjet nga Sanxhaku

Në selinë e Këshillit Kombëtar Shqiptar (KKSH), kryetari Jonuz Musliu priti në takim një grup prej 20 të rinjve boshnjak nga Sanxhaku dhe shqiptarë nga Lugina e Preshevës, të organizuar nga Iniciativa Akademike Forum 10 në kuadër të programit të këmbimit, qëllimi i së cilit është njohja me punën dhe aktivitetet Këshillit Kombëtar Shqiptar mbështetur nga Fondacioni për Shoqëri të Hapur.

Kryetari i KKSH-së, elaboroi për gjendjen politike dhe të sigurisë para të rinjëve me theks të veçant në formimin e Asociacionit të Komunave Shqiptare, problemi i librave shkollor në gjuhën shqipe, bisedimet e Brukselit në mes Prishtinës dhe Beogradit, si dhe hapjen e kaptinave për negocijata të Serbisë me Bashkimin Evropian.

Musliu gjithashtu theksoi se pa zgjidhjen e problemit politikë të Luginës së Preshevës në Ballkan edhe më tej nuk do të ketë qetësi, për më tepër në vazhdimësi kemi kërkuar që në kuadër të dialogut mes Prishtinës dhe Beogradit të diskutohet edhe për Luginën e Preshevës. Nga se reciprociteti është kërkuar me të gjitha dokumentet e përbashkëta të të gjitha partive politike shqiptare dhe për ne standardet e dyfishta janë të papranueshme.

Gjithashtu, kryetari Musliu tërheqi edhe diagonale mes problemeve politike të shqiptarëve në Luginën e Preshevës dhe boshnjakëve në Sanxhak duke theksuar se ka mjaft hapsirë ku interesat e shqiptarëve dhe boshnjakëve përputhen, dhe në këtë kuadër po mundohemi që ti prezantojmë bashkarisht. Por në këtë kuptim duhet edhe më tej ngritur bashkpunimin e dy palëve.

Musliu nënvizoi se niher e përgjithmon duhet të zgjidhim çështjet që kanë të bëjnë me serbët në Kosovë, por njëkohësisht duhet të reflektoj edhe zgjidhjen e çështjes politike të Luginës së Preshevës e në këtë kontekst edhe të boshnjakëve në Sanxhak duke vendosur standarde të barabarta për të gjitha pakicat kombëtar në Ballakan.

Udhëheqësi i Iniciativës Akademike Forum 10, Fahrudin Kladniçanin, shprehu mirënjohjen e thellë për këtë takim dhe theksoi se njohja e drejtë përdrejt e të rinjëve me këto sfida është e një rëndësie të veçant.

Vlenë të theksohet se grupi i të rinjëve të organizuar nga Iniciativa Akademike Forum 10 para tri jave kishte vizituar Këshillin Kombëtar Boshnjak në Novi Pazar

Bujanoc, 05.10.2015                                                     Shërbimi për informim i KKSH-së