Reagim i KKSH-se ndaj deklaratave te Zoran Stankoviq

  • Këshilli Kombëtar Shqiptar reagon ndaj deklaratave të Zoran Stankoviq, kryetar i Trupit Koordinues të Qeverisë së Republikës së Serbisë për komunat Preshevë, Bujanoc dhe Medvegjë të bëra në disa portale dhe web faqen zyrtare të këtij organi..

Këshilli Kombëtar Shqiptar e konsideron lojë politike të Zoran Stankoviqit kur bënë komente mbi shqiptarët dhe politikat e subjekteve politike të Luginës së Preshevës. E vërteta qëndron se nga formimi i Trupit Koordinues të Qeverisë së Republikës së Serbisë për komunat Preshevë, Bujanoc dhe Medvegjë po e lunë rrolin e policit, a rezultatet janë jashtëzakonisht të vogla dhe nuk ka përmbushën misionin e vetë të parapërcaktuar. Për më tepër, ky organ ëshë shfrytëzuar nga Qeveria e Serbisë për të amortizuar dhe bllokuar shqiptarët në kërkesat e veta se sa për të zgjidhur problemet dhe sfidat me të cilat po përballen.

Këshilli Kombëtar Shqiptar shpreh indinjatën e thellë dhe papajtushmërin me mënyrën se si janë duke u trajtuar tekstet shkollore (103.222) donacion i Republikës së Kosovës për nxënësit e Luginës së Preshevës e që po qëndrojnë mbi 5 muaj në terminal doganor. Në historinë e njerëzimit vetëm shtetet që kanë pretenduar njëdimenzionalitetin kanë ndaluar dhe flakur libra, e në historinë moderne Serbia do të listohet si shteti i vetëm që ka ndaluar librat shkollor duke i konsideruar “si të rrezikshme për Serbinë”. Shtetet që i frikohen librit dhe dijes janë të predistinuara në vetëshkatrrim.

Këshilli Kombëtar Shqiptarë rithekson se në Luginën e Preshevës është zhvilluar Referendum më 1992, ka psur luftë më 2001 dhe se ka një Platëformë të Përbashkët të të gjitha subjekteve politike të miratuar më 2006 ku është vënë theksi tek standardi unik i të drejtave, përkatësisht vendosja e reciprociteti mes veriut të Kosovës – të drejtave të serbëve me të drejtat e shqiptarëve në Luginën e Preshevës. Andaj, mbështetur në këtë asnjëher nuk kemi kërkuar as më shumë e as më pak se sa serbët në Kosovë. Deshtët apo nuk deshtët, shqiptarët do ti ralizojnë synimit e tyre qoftë më herët, qoftë më vonë.

Për Këshilli Kombëtar Shqiptarë është i papranueshëm diskriminimi dhe logjika diskriminuese që po i imponohet, ndëkaq në anën tjetër ky është një indikator i mire që Serbia ka për synim realizimin e planeve të kah motshme të Çuprilloviqit .

Lugina e Preshevës kurr më herët nuk ka qenë më e lidhur me Prishtinën dhe Tiranën në drejtim të Brukselit. Rruga për zgjidhjen e problemit politik të Luginës së Preshevës shkon përmes këtyre dy qyteteve në Beograd, alternativë tjetër nuk shofim.

 

 

 

Bujanoc, 25.01.2016                                                     Shërbimi për informim i KKSH-së